Nou te pran foto sa yo nan Jiyè 2006 nan dènye jou etid ke nou te fè sou sijè "Sove" a. Etid la te dire twa semèn e nou te pran tan pou nou te kouvri pwomès la ki te fèt premyèman nan jaden Eden; epi ki vin kontinye avèk Abraram, Izarak ak Jakòb. Nou te wè ke lalwa te vin antre ak Moyiz men Bondye pat bliye pwomès la epi lalwa pat vini pou li te ranplase pwomès la tou.
Nou te kouvri anpil vèsè ki te montre nou ke lalwa te gen wòl pa li; lalwa te gen yon travay ke li te vin fè. Sa ki te pi enpòtan pou nou te konprann, sè ke lalwa pat vini pou li te sove okenn moun. Lalwa pat kapab sove pèsòn. Nou te li e etidye anpil vèsè ki montre nou ke se lanmou Bondye genyen pou nou ki fè ke Li ban nou lavi etènèl e se ak konfyans nou nan Bondye ke nou ka resevwa kado sa a.
Nou te rive konprann ke travay pat kapab ba nou lavi etènèl. Sali a, se yon kado ke li ye, se Bondye sèlman ki kapab ba ou li. Si ou mete konfyans ou nan bondye (lafwa), ou mande Li kado sa a, Bondye tou prèt pou Li ba ou li epi wap vin pitit Bondye. Ou kapab li pi plis sou sa ke nou te kouvri nan etid la nan yon ti liv ke ou kapab jwenn lè ou klike sou lenk sa a: LIV ETID LA
|
|
