Nou te pran anviron 375 foto ane sa a. Nou te panse mete anpil nan foto etid la sou sit la. Malerezman, tout foto yo efase sou kamera a. Nou panse ke foto sa yo pèdi paske kamera te pase plizyè fwa nan aparèy ki nan ayewopò yo ki pou detekte bagay ilegal nan valiz moun kap vwayaje.Nou te sipoze kite Ayiti nan dènye vòl "American Airlines" nan 30 Jiyè. Tout bagay nou fin pase nan aparèy deteksyon yo epi nou aprann ke avyon an pat antre. Nou te oblije ale dòmi nan otèl epi retounen nan demen maten; kamera a pase nan 3 diferan aparèy anvan nou monte avyon Ayiti a. Lè nou rive Miyami, kamera a pase nan yon lòt aparèy ankò. Se lè nou tap tann avyon ki pou mennen nou Atlanta, nou tcheke epi nou wè ke kamera pat genyen yon grenn foto ladan li ankò. Nou eseye li, li mache nòmal; men tout foto ke nou te pran an Ayiti yo disparèt, yo pèdi.Apa de sa, tout bagay te pase trè byen; te genyen plis moun nan etid la ane sa a ke ane anvan yo. Sijè etid la ane sa a te "Retou Jezi ". Nou te pale de anpil bagay ke Bib la anseye sou retou Sovè nou an e nou te touche anpil doktrin ki anseye nan legliz men ki pa an akò avèk Bib la. Ou kapab li pi plis sou sa ke nou te kouvri nan etid la; jis klike sou lenk sa a: " RETOU JEZI " e ou kapab jwenn liv etid la.
|
 |
| Foto sa a montre jan nou te santi nou nan ayewopò miyami an lè nou reyalize ke tout 375 foto ke nou te pran an Ayiti yo te efase nan kamera a. |
|
|
 |
| Fanfan ap eseye fè yon ti kabicha pandan yo tap tann avyon ki pou mennen yo nan Atlanta a. |
|
|
|